Rumah Gadang di Bukiktinggi
Nan di lamannyo tatagak lumbuang
Alah tasabuik sajak dulunyo
Yo badatak bana di dalam hati
Taraso niaik indak ka langsuang
Tagak dek hati nan kareh juo
Jikok lah indak karano murai
Indak lah bondo mambuek sarang
Kok indak uda nan dulunyo mamulai
Indak lah Adiak mabuak surang
Di Maninjau jalan bakelok
Jaleh tampaknyo nagari Bayua
Taruihkan jalan ka Lubuak Sao
Asa baniaik ka nan elok
Di dalam hujan, cubo lah jamua
Baju nan basah ka kariang juo
Usahlah denai diagiah baju
Baju nan lamo tak tasaruangkan
Usahlah denai diagiah malu
Malu nan lamo tak tatangguangkan
Unggeh paku tabang ka paku
Tibo di paku lah tabang pulo
Jikok katuju samo katuju
Lamo jo lambek ka jadi juo 
Advertisement
Filed under: Kambanglah Bungo Parawitan
“Unggeh paku tabang ka paku
Tibo di paku lah tabang pulo
Jikok katuju samo katuju
Lamo jo lambek ka jadi juo”
yihaaa….ko nan badantang bana ka jantuang mah kanda. Mantap.
)
lai ndak tangga jantuang sanak?
hahaay… kalau di uda iko nan mantap tom haa :
Asa baniaik ka nan elok
Di dalam hujan, cubo lah jamua
Baju nan basah ka kariang juo