Simalakamo

Usah bundo bakato, denai anak durhako
Indak mukasuik hati malawan bundo
Lai den cubo manuruikkan kato bundo
Tapi baa lah .. inyo den cinto
Adiak nan denai cinto, usah balaruik juo
Angan jo mimpi ndak jadi nyato
Sabana bedo .. kami sabana tabedo
Bak makan buah simalakamo
Tuhan .. kami ndak badayo
Tunjuakkan baa jalan nan bana
Kasiahnyo bundo, kasiahnyo cinto
Samo-samo iyo .. nan samo [...]

Ampun Mandeh

Den susun jari nan jo kapalo
Duduak basimpuah di kaki Mandeh
Mamintak izin sarato do’a
Denai ka pai ka tanah subarang
Tingga lah kampuang nan jo halaman
Tingga lah ranah nan jo tapian
Pintak jo pinto denai kini ko
Cubo marantau ka nagari urang
Salamaik tingga kampuang den cinto
Sanak sudaro sarato bundo
Oh, Tuhan Nan Maha Kuaso
Sampaikan juo mukasuik hati
Jikok lai untuang nantik barubah
Den [...]

Jalan Panjang

Panjang jalan ka Lubuak Buayo
Tukak taranak di dalam aia
Di siko denai mako tabedo
Maranuang aruih aia ka hilia
Aia nan tanang mahanyuikkan
Hilia nan lapeh ka muaro
Jo hati sanang Adiak bajalan
Sarato salam badan ambo
Hanyo sapatah denai pasankan
Janji kito usah dilupokan
Usah Adiak lah pancameh bana
Urang pancameh mati hanyuik
Adiak Kanduang balahan diri
Kok karam biduak kito baranang
Samo taguah lah kito bajanji
Nan [...]

Hiduik di Rantau

Tapana hati di pasia putiah
Lamunan tinggi … tamanuang
Sasayuik mato mamandang
Lautan laweh mambantang
Jauah di tapi langik … di baliak awan
Di sinan den dilahiakan … Minang den sayang
Tangiang juo di talingo
Carito nan den dangakan
Hiduik di nagari urang
Nan bagalimang cahayo
Mako denai marantau … tingga lah kampuang
Tagadai sawah jo ladang … tingga di rantau urang
Tingga kulik pambaluik tulang
Badan kuruih, [...]

Alang Bangkeh

Tabang malayok sabaliak awan
Maintai ayam di tangah laman
Manukiak turun handak manyemba
Malang ………. panjago basanapan angin
Tarr … !!
Alang tatembak di dadonyo
Kanai hati jo jantuangnyo
Ayam intaian masuak kandang
Kandang nan bapintu ameh
~dR

Kumbang Babega

Basayok bana, apo gunonyo
Jikok indak pandai tabang
Panek babega, kumbang kironyo
Bungo ka hinggok ado panjago
Sapantun bana jo diri ambo
Tiok dicinto urang nan punyo
Jikok bungo indak bapaga duri
Tantu lah hinggok kumbang kini lai
Sudah lah nasib, kininyo baibo hati
Babega-bega ndak tantu ka ma pai
Samantan putiak alun marakah
Digiriak ulek indak manenggang
Mananti maso, bilo kan datang
Bungo kambang di tangah ilalang
~dR

Singgalang Oyak Kapua

Biduak ketek dilamun ombak
Nan hanyuiknyo ka hulu-hulu
Dek ibo angin mako ka tapi
Kasudahannyo sampai juo
Pandai bana Adiak manembak
Manembak indak jo peluru
Kanai sabalah jantuang hati
Iman di dado diguncangnyo
Bia kareh badai manimpo
Niaik hati sampai ka tapi
Dek takuik den pandayuang lapeh
Dek ulah riak jo galombang
Pandangan mato samulonyo
Kini jatuah ka dalam hati
Tapuak kok indak Adiak baleh
Alamaik denai rindu surang
Sadang di [...]

Rambang Patang

Gunuang Marapi jo Gunuang Tandikek
Batali awan di hari sanjo
Dalam hati banyak nan maupek
Baa jadinyo jo diri ambo
Rusuah lah hati yo di rambang patang …
Jikok balayia di hari sanjo
Ingek lah ingek … tasakek di karang
Jikok nak tau jo untuang ambo
Pandang lah awan nan di rambang patang

Pusaro Mimpi

Lamo den di rantau, den tinggakan kampuang
Den tinggakan tapian tampek mandi
Kini baru tajajak pulang, indak den sangko co iko bana
Riak hati den manggalombang
Batamu Adiak den tagamang
Batahun ungkai kasiah sayang
Namun hati tatuntuang juo ka Adiak surang
Oi riak galombang, hapuihkan jajak di tapian hati
Oi hujan nan turun, padamkan nyalo di badan diri
Santano kok gamang jantuang jo hati [...]

Buruang Bahondoh

Hiduik den kini ko umpamo buruang, Diak
Jikok ka tabang, sayok kini lah senteang
Mukasuik hati handak tabang mambubuang, Diak
Manampak padi masak di lereang gunuang
Sayok maradai … maradai, baa ka tabang
Padi nan masak … nan masak, takana juo
Ka mano badan, oi badan nan ka batenggang
Tiado kawan … oi kawan, maraso ibo
Banduang ratoknyo si unggeh bondo
Ka bakeh sia [...]