Lareh di Rantau

Alai … ka bukik lai, yo Nak Pulai

Lah malakik malang oi … ka bukik lai, yo Nak Pulai
Oh nan manurun, ondeh Adiak oi … ka Taluak Batuang
Oh nan bamulo kini lah dendang dimulai
Oh bukanlah mambaok, oh hati nan gadang

Oi lah si Taluak Batuang … lapeh nan dari si Taluak Batuang
Oi hari kok nan sadang, oi Adiak … pukua duo
Oh nan banyanyi, ondeh Adiak lah … bukannyo riang
Oh untuak parintang-rintang Diak, lah hati nan rusuah

Oi raba’a lah pasa tu mah, Sungai Tunu
Rami di Anak Koto Gadang
Samanjak lah bulan Diak, ko timbua
Darah nan indak namuah sanang

Turang-baturang jalo buruak
Panjalo rambang di muaro
Heran lah pandan jo durian
Asiang ruang, balain isi

Pilagan anak punai tanah
Gilo maaram mangkuak juo
Parahu bari bacadiak
Panyongsong riak jo galombang

Kudo malompek batu balah
Turun ka lereang pandakian
Ibo lah batuang barabalah
Abiak sarueh ka suligi oi …

Kalau lah den etong nasib nan buruak
Sabanyak rambuik di kapalo
Heran lah badan jo bagian
Asiang urang, balain diri

Sajak sacakam dari tanah
Gadang dikiak, buruak juo
Samanjak badan pandai mambaliak
Gadang ditimbang, untuang malang

Usah diduo lai garak Allah
Suratan surek jo janjian
Awak di bawah parentah Allah
Barang tajadi nan, ondeh Adiak oi … ka didapati

Kok Painan malah Pasa Salido
Rami dek anak tu mah, Urang Bayang
Antah pabilo malah nasib co iko
Kok lai ka cari di nan malang

Kok Salido den, tanah Rang Bayang
Painan balainyo rami
Makonyo den turun kini dari janjang
Karano bansaik di nagari

Kok jadi lo tu mah pai ka Bayang
Singgah sabanta di api-api
Kok marantau usah lai disangko sanang
Kadang-kadang marusuah hati

Kok jadi lo tu mah pai ka Kambang
Di Surantiah, singgah sabanta
Kok jadi bisuak tu mah, ka rantau urang
Adiak di kampuang jaleh ka tingga

Kok lah tibo tu mah di Pasa Kambang
Ado lo urang nan ka manjapuik
Mambaok ka Padang Marapalam
Kalau tibo bisuak Adiak di rantau urang
Hiduik umpamo limau anyuik
Antah di mano tampek bamalam

Kok lapeh nan dari Aia Haji
Handak manjalang Nagari Lunang
Alah den liek tu mah, ka badan diri
Siang seso, malam ndak sanang

Kok lapeh nan dari tu mah, Siguntua
Handak manjalang Sungai Lunang
Urang tacinto ka nan mujua
Awak tapinto di nan malang

Oto banamo tu mah, “Erlindo”
Baliak manambang dari Bayang
Pado di rantau, badan basansaro
Elok baliak kito ka … kampuang

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: