Risaulai – Dendang Saluang Sumani

Dalam dendang saluang ini, disebut namo kampuang ambo, Nagari Sumani.
Dalam video klipnya pun dilakukan di atas bukit, di jalan ka Sulik Aia.
Tampak Danau Singkarak nan dari ateh …🙂

Risaulai … asa mulo mako tajadi
Samulo dendang ka dimulai
Nan badendang di tangah malam

Banyak nak gadih lah dikaja
Lah bih lari kasadonyo
Usah jan tapuak ka dibaleh
Sobok di jalan tak nyo sapo
Baitu nasib badan diri, gajai lai … yo oi

Kok pandai bana Adiak kini
Tolong lah bari pintak denai
Tabikkan paneh tangah malam
Timbuakan bulan tangah hari
Bangkikkan mayik dalam kubua

Palapeh dandam di nagari
Paubek malu dalam kampuang
Nak sanang hati rang basamo
Nak jan tasisiah macam iko … mak oi

Lah dari dulu nak dikaja
Namun Adiak balengah juo … nan kanduang oi
Lai denai cubo basaba
Lambek lamo ado ka balehnyo … nan kanduang oi

Risaulai … usah baparik, parik puntuang
Indak saparik puntuang campo
Awak jomblo ditimpo apo-apo, ditimpo pandakian
Padi sia lah tak ka runtuah
Antah kok padi lindok cahayo … mak oi

Usah basakik Diak, sakik untuang
Indak sasakik untuang ambo

Awak bansaik ditimpo lapa
Lapa ditimpo kamatian
Hati siapo tak ka ibo
Hati di ma lah tak ka rusuah yo Diak
Antah kok hati Diak, rang nan kayo oi … lalai oi

Oi cindawan salaweh tuduang
Nan rang ambiak ka aleh meja … nan kanduang oi
Nan dek awan, sungkuiklah gunuang
Nak sanang hati alang babega … nan kanduang oi

Risaulai … malelang danau Rang Singkarak
Tajorok tanjuang Muaro Pingai
Maambuih angin dari Kacang
Mariak pasia Rang Malalo … mak oi

Malang bana, sagalo tidak
Sajak ketek badan marasai
Disangko murah iduik sorang ko Diak
Kiro manangguang Diak, nan bak nan ko … malang lai

Risaulai … rang hilia Padang Sibusuak
Dalam parentah Solok juo
Luruihkan jalan ka Sumani
Ka suok ka nagari Kacang
Rami pasanyo hari minggu
Rami dek anak Panyinggahan … mak oi

Malang ambo dek untuang buruak
Hiduik sapantun kudo bendi
Kuku rusak, pinggang binaso
Lah gak kurang makan jo sagu
Dek kusia indak nyo acuahan ko Diak
Dek kusia Diak, pitih nan paralu … risaulai

One Response

  1. Saya suka Sumani:D

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: